Һаҡмар
-25 °С
Болотло
75 лет Победы
Бөтә яңылыҡтар

Алтынай Кейекҡужина

Кейекҡужина Алтынай Баймаҡ районының Х.Әхмәтов исемендәге Сыңғыҙ мәктәбенең бишенсе класс уҡыусыһы.

Ғәзиз илем-тыуған ерем



Бала сағым уҙған ерем
Ғәзиз илем-тыуған ерем
Һин тормошом,йырым минең,
Мөхәббәтем моңом минең.
Һөйәм һине нурлы ерем
Һинән башҡа миңә йәм юҡ
Ят һыуҙарҙа бындай тәм юҡ.
Һинән ситтә тороп булмай
Һинән башҡа йырым тыумай.

(Ғ.Рамазанов)

Башҡортостан - ожмах иле, минең тыуған илем. Үҙенең ҡосағына ниндәй генә милләтте һыйҙырмаған. Уларҙың һаны хатта, йөҙҙән ашып китә. Туған халҡым үҙенең йолаларын,ғөрөф-ғәҙәттәрен һаҡлай.Быуын-быуынға тапшыра килә. Яңыраҡ ҡына ауылыбыҙҙың ағинәйҙәре менән “Ҡар һыуына барыу” йолаһын сәхнәләштереүҙә ҡатнашып, уның үҙенсәлекле йола булыуын белдем. Илебеҙҙән ситтә йәшәүсе милләттәштәребеҙгә тиклем, яҙын Һабантуй байрамдары үткәрәләр. Ул халҡыбыҙҙы берләштереп кенә ҡалмай, ә дуҫлыҡ, туғанлыҡ ептәрен нығыта, рухи байлығыбыҙҙы арттыра.


Республикабыҙҙа йылҡысылыҡ, игенселек, урмансылыҡ, умартасылыҡ алға киткән. Тыуған яғымдың тәбиғәте һәр кемде үҙенә йәлеп итә. Туризмды үҫтереү өсөн бөтәһе лә эшләнелә.


"Башҡортостан картаһына

Ҡараһаң яҡшы ғына,

Башҡортостан шул картала

Бер япраҡ саҡлы ғына,”- тип Башҡортостандың халыҡ шағиры Мостай Кәрим, тыуған илемде ҡайын япрағы менән сағыштырған. Ысынлап та, шулай булыуға ҡарамаҫтан, республикам бик ҙур, олпат, сөнки ул быйыл үҙенең йөҙ йыллығын ҡаршы алды.

Тыуған илем үҙенең ғорур тауҙары, тәрән йылғалары, таҙа күлдәре менән билдәле. Ҡурай моңо, хуш еҫле балы, шифалы ҡымыҙы тик минең тыуған яҡта ғына бар. Республикамда эшһөйәр, ярҙамсыл халыҡ йәшәй. Киләсәгемде Башҡортостандан ситтә күрә алмайым. Тыуған ерем- ғәзиз еремдән башҡа яҡын ер юҡ минең өсөн. Берәй ҡайҙа ҡунаҡҡа барғансы, тыуған ауылымды һағынып ҡайтам.Башҡортостандың үҫешенә үҙ өлөшөмдө яҡшы уҡыуым менән индерәйем. Сөнки республикамдың киләсәге беҙҙең ҡулдарҙа.

Алтынай Кейекҡужина.

Читайте нас в