Илһөйәр Сыңғыҙова.

Йылғаң тәрән, тауың бейек.

Тәбиғәтең иҫ китмәле

Алһыу ҡояш буй етмәле.

Башҡортостаным минең! Мин бәхетле һиндә тыуғанға, мин бәхетле һинең һауанды һулап, үҙ еремдә ғорур торғанға! Тыуған илең - алтын бишек, тип юҡҡа ғына әйтмәгәндәр. Ул иң ҙур хазинаға бәрәбәр.

Тыуған илемдең тәбиғәте менән һоҡланмау мөмкин түгел: текә-текә болотҡа ҡәҙәр олғашҡан тауҙары, йырып үтеп инә алмаҫлыҡ ҡалын урмандары, һушты китерерлек ҡоштар тауышы, сылтырап аҡҡан саф һыуҙарҙы… тағы әллә күпме һанап бөтмәҫлек байлыҡтары.

Ә халҡы… Башҡортостан - дуҫлыҡ иле. Бында кемдәр генә килеп һыйынмаған. Башҡортостан уларҙы үҙ иткән, йылы ҡуйынына һыйындырған, ашар ризығы менән бүлешкән. Башҡорттар киң күңелле халыҡ, һәр бер милләт менән дуҫ йәшәй. Ул күпме батырҙар үҫтергән. Бөтә донъяға билдәле, исемдәрен мәңгелләштергән шәхестәребеҙҙе һанап бөткөһөҙ.

Үҙебеҙҙең Башҡортостаныбыҙҙың ҡәҙерен беләйек! Тәбиғәтебеҙҙе һаҡлайыҡ! Үҙ-ара бер ғаиләләй татыу йәшәйек!

Сәскә ат һин, Башҡортостан!