-10 °С
Ҡар
Бөтә яңылыҡтар
"Тыуған илем – Башҡортостан!”
28 Март 2019, 18:08
Гөлсибәр Йәрмөхәмәтова.
Баймаҡ ҡалаһының Баймаҡ лицей-интернаты уҡыусыһы Йәрмөхәмәтова Гөлсибәр Зәкир ҡыҙы шиғри күңелле кеше. Ул тыуған илен, йәшәгән төбәген яратып, ошо иншаны яҙған.
Тыуған илем минең - Башҡортостан!
11 ноябрь - Башҡортостан Республикаһының 100 йыллығын билдәләйбеҙ. Был беҙҙең өсөн күпмелер һан ғына кеүек тойола, ә шуның эсендә күпме һуғыш, күпме еңеү-еңелеүҙәр күргән беҙҙең Башҡортостан. Күпме ҡыйынлыҡтарҙан үтһә лә, ул шулай уҡ матур, тарихҡа бай, ожмах менән тиңләрлек урындары менән һоҡландырып тора.
Тыуған илем минең - Башҡортостан! Был һүҙҙәрҙе ҙур ғорурлыҡ менән мәңге ҡабатларға була. Һәр кемдең был турала үҙ фекере, үҙ ҡарашы. Шағирҙар, композиторҙар тыуған еребеҙ тураһында шиғырҙар, йырҙар сығарһа ла, был барыбер аҙ кеүек. Мин үҙем дә бала саҡтан шиғырҙар яҙырға яратам. Ниндәй генә һүҙҙәр ҡулланып ҡараһам да, барыбер минең тыуған ерем нисек ҡәҙерле икәнен һүҙҙәр менән генә еткереп булмайҙыр тип уйлайым.
Картаға ҡарағанда, беҙең Башҡортостан бәләкәй генә күренһә лә, ул ҙур һәм бай, киңлеге менән түгел, ә шунда йәшәгән башҡорт рухлы кешеләре менән бай. Аҡса менән түгел, ә унда булған ҡиммәтле таштар, һирәк үҫемлектәре, йәнлектәре менән бай. Төрлө милләттәре менән бай. Милләттәр араһындағы татыулығы менән бай.
Кеше тыуған ерендә бәхетле. Сит илдәргә сығып киткәндә тыуған илең, йәшәгән йортоң, бала саҡтан ишетеп үҫкән ҡоштар һайрауын, тәүге аяҡ баҫҡан ерҙәр үҙенә әйҙәп торғандай тойола. Башҡортостанда йәшәгәс, беҙ уның телен, йолаларын өйрәнергә һәм ихтирам итергә, уның бөгөнгөһөнә, үткәненә, халыҡтың киләсәгенә ҙур аҡыл менән ҡарарға, уның тарихын өйрәнергә тейешбеҙ. Башҡортостандың киләсәге беҙҙең ҡулда икәнен онотмайыҡ.
Һәр кемдең бар туған теле,
Тыуған ере, милләте.
Минең телем - башҡорт теле,
Алтындан да ҡиммәтле.
Тыуып үҫкән яҡтарымда,
Ҡоштар һайрай һәр остан.
Оҙаҡ йылдар, мәңге йәшә
Сәскә ат - Башҡортостан!
Г. Йәрмөхәмәтова.
Читайте нас в
Телефон
(34751)31326
Электрон почта
Адресы
453630, Республика Башкортостан, Баймакский район, г. Баймак, пр-т С. Юлаева, 38
Реклама хеҙмәте
(34751)31337
Редакция
(34751)21499
Ҡабул итеү бүлмәһе
(34751)31326
Хеҙмәттәшлек
(34751)21499
Кадрҙар бүлеге
(34751)21838