Әлизә Зайнитдинова.

Тыуған илем, йәнле илем, тылсымлы ил, татлы илем! Башҡортостан - йәннәт илем. Минең тыуған илем - Башҡортостан! Мин донъяның иң йәмле ерендә - Башҡортостан Республикаһында тыуғанмын. Меңдәрсә саҡрымдарға һуҙылған гүзәлдәрҙән-гүзәл төйәк ул. Республикабыҙ бик бай: тарихҡа, ҡуйы-ҡуйы урмандарға, бейек-бейек тауҙарға, күлдәргә, йылғаларға, ҡош һәм йәнлектәргә. Башҡортостан тағы ла балға, ҡурайға, ҡымыҙға, үҙенең батыр улдарына, матур ҡыҙҙары һәм күренекле шәхестәргә бай…

Республикабыҙҙа төрлө миләтле халыҡ йәшәй: башҡорт, татар, рус, сыуаш, удмурт һәм башҡалар. Төрлө милләтле булһа ла, бындағы халыҡ бер бөтөн, бер төрлө – ҡунаҡсыл.

11 октябрь Республикабыҙҙың тыуған көнө. Башҡортостаныбыҙ йылдан-йыл үҙгәрә, матурлана, үҫә, байый. Бик күп бейек өйҙәр, балалар баҡсалары, дауаханалар, мәктәптәр төҙөлә. Мин үҙемдең тыуған илем менән ғорурланам, яратам, яҡлайым, һаҡлайым!

Башҡортостан – баш илем,

Йыһандағы бишегем.

Ҙур донъяға алып сығыр

Яҙмышымдың ишеге.

Тәпәй баҫҡан тупрағым,

Тәгәрәп үҫкән ҡырҙарым,

Һыуһынымды ҡандырған

Тәмле–татлы һыуҙарым.

Башҡортостан – баш илем,

Һиндә асылды телем.

Һинең йылы ҡосағыңда

Шатланып алам белем.

(Р.Ураҡсина)