Беҙҙе ниндәй һауа торошо көтә?

Ямғырҙар, быға тиклем әллә нисәмә йыл ҡоролоҡ шарттарында йәшәгәс, ул тиклем ялҡытмай. Ә бына дауылдар ныҡ шомландыра. Һуңғы көндәрҙә район буйынса бер нисә ауыл электр утһыҙ ултырҙы, көслө ел теплицаларҙы осорҙо (улары әллә нисәмә өй аша сит ихатаға барып ултырҙы), ҡойма-ҡыйыҡтарҙы алып ташланы. Ә был көндәрҙә беҙҙе ниндәй һауа торошо көтә?

Башгидрометүҙәк мәғлүмәте буйынса, Көньяҡ Урал өҫтөндә циклон булыу сәбәпле, республикала ямғырҙар фаразлана. 23-28 июндә һыу кимәленең күтәрелеүе, гидротехник ҡоролмаларға ағымдың артыуы көтөлә. Синоптиктар билдәләүенсә, урыны менән баҫыуы ихтимал.