Ямғырҙар шифалы булһын!

Инде нисәмә йәй өҙөлөп-ялбарып ямғыр һорайбыҙ. Тик ямғырҙарҙың шифалы булыуы ла мөһим бит. Мәҫәлән, 6 июндә үткән йәшен бер нисә өйгә һәм объектҡа ҙур зыян килтерҙе. Дин әһелдәре ямғыр теләгәндә ошондай доғаны уҡырға кәрәк, ти: “Аллаһүммә-сҡинәә ғәйсан муғиисан һәниән мәриан мәриғәдәҡән муджәллилән сәххан ғәммән табәҡән, дәимән. Аллаһүммә-сҡинәль-ғәйса үәлә тәджғәльнә минәл-ҡәнитиинә. Аллаһүммә иннәә нәстағфирүкә иннәкә күнтә, ғәффәәран фәәрсили-ссәмәә ә ғәләйнә мидраран”. Мәғәнәһе: Эй, Алла, беҙгә бар ергә үтеп, тупраҡты туйындырған, мул уңыш биргән, даими яуған ямғыр ебәр. Эй, Алла, өмөтөбөҙҙө юғалтыусыларҙан итмә. Эй, Алла, Һин ғәфү итеүсеһең, гонаһтарыбыҙҙы ярлыҡа. Шифалы ямғырҙар яуһын, ер һыуға туйынһын, мул уңыш булһын, Хоҙай Тәғәлә аслыҡтан һаҡлаһын!

Ямғырҙар шифалы булһын!