+17 °С
Облачно
Тирә-яҡ мөхит
15 Декабря 2021, 04:14
Йәш эҙәрмәндәр көс һынашты
Башҡортостанда «Асыштар 2030» Бөтә Рәсәй тирә-яҡ мөхитте өйрәнеүсе йәш тикшеренеүселәр конкурсының төбәк этабы уҙҙы. Еңеүселәр тураһында сайтта уҡығыҙ.
Йәш эҙәрмәндәр көс һынашты
2021 йылдың 30 ноябренән 3 декабренә тиклем онлайн-конференция форматында «Асыштар 2030» Бөтә Рәсәй тирә-яҡ мөхитте өйрәнеүсе йәш тикшеренеүселәр конкурсының төбәк этабы уҙҙы. Конкурс «Хайуандар экологияһы», «Үҫемлектәр экологияһы», «Ландшафт экологияһы», «Ҡалдыҡтар менән рациональ эш итеү», «Экомониторинг» номинациялары буйынса уҙғарылды.
Конкурстың иң йәш ҡатнашыусылары - башланғыс класс уҡыусылары өсөн «Йәш эҙәрмәндәр» секцияһы эшләне.
Был сара йәш быуындың экологик мәҙәниәтен һәм аңлылығын күтәреүгә, шулай уҡ мәктәп уҡыусыларын һәм мәғариф учреждениелары тәрбиәләнеүселәрен тәбиғәтте һаҡлау көн тәртибенә йәлеп итеүгә йүнәлтелгән, был «Экология» милли проектының өҫтөнлөклө йүнәлештәренә тулыһынса тап килә.
Республика балалар экология-биология үҙәге етәксеһе Екатерина Кошелева әйтеүенсә, конкурста республиканың 135 йәш экологы ҡатнашҡан, онлайн-конференцияға иң яҡшы 54 уҡытыу-тикшеренеү эштәре һәм проекттары авторҙары саҡырылған. Үҙ эштәрендә йәштәр тирә-яҡ мөхиттең экологик торошон тикшерҙе, биотөрлөлөктө баһаланы, булған экологик проблемаларҙы хәл итеү юлдарын тәҡдим итте.
Башҡортостан Республикаһының Тәбиғәттән файҙаланыу һәм экология министрлығы төбәк этабында еңеүселәрҙе һәм уларҙың уҡытыусыларын ҡотлап, артабан да эштәрендә уңыштар теләй.
Төбәк этабында еңеүселәрҙең эштәре «Асыштар 2030» Бөтә Рәсәй тирә-яҡ мөхитте өйрәнеүсе йәш тикшеренеүселәр конкурсының Бөтә Рәсәй этабында ҡатнашыу өсөн Мәскәү ҡалаһына ебәрелде.
#зелёнаябашкирия #минэкологиирб #экобашкортостан #экологическоевоспитание #командахабирова #правительстворазвития #нацпроекты #регпроекты #нацпроектыбашкортостан
Редакция һайлауы
