Бөгөн уларға ҡояш та нурҙарын йәлләмәне. . .

Бөгөн Баймаҡ ҡалаһы һәм районының физик мөмкинлектәре сикләнгәндәрҙең "Өмөт бар" ("Надежда есть") клубы ағзалары үҙҙәренең физик-һауыҡтырыу комплексында ҙур экологик өмә ойошторҙо. Улар комплекстың тышҡы йөҙөн тулыһынса ышҡып йыуып таҙартты, тәртипкә килтерҙе. Баҡсала ла эш күп булып сыҡты. Өмәлә ҡатнашыусыларҙың бер өлөшө биләмәнең эргә-тирәһен суп-сарҙан таҙартты.

Республика көнө уңайы менән бирелгән өҫтәмә ял көнөн клуб ағзалары бына шулай файҙалы, саф һауала уҙғарҙы. Был көнө уларға хатта ҡояш та нурҙарын йәлләмәне, өмәселәрҙе йылы нурҙарға күмде.