Баймаҡтар бер көндә 220 ҡарағай һәм 224 миләш ултыртты

Баймаҡ ҡалаһы “Йәшел Башҡортостан” һәм “Еңеү урман” акцияларында әүҙем ҡатнашты.

Кисә ҡаланың Көньяҡ микрорайонында яңы аллея барлыҡҡа килде. Бөйөк Ватан һуғышында ҡатнашыусылар хөрмәтенә ағас ултыртыу маҡсатында учреждение, ойошма, предприятие етәкселәре, депутаттар, ирекмәндәр, ҡала халҡы күтәрелеп сыҡты. Был көндө барлығы 220 ҡарағай һәм 227 миләш ағастары ултыртылды. Күптәр йәш үҫемлектәрҙе үҙҙәренең ата-бабалары хөрмәтенә бағышланы.

Яңы аллея ҡалабыҙҙың бер биҙәгенә әйләнеренә шигем юҡ. Йәш үҫентеләрҙе ҡарап, тәрбиәләп кенә үҫтерәйек.