Башҡортостанда август аҙағына тиклем 7200 гектар ерҙә урман тергеҙеү эштәре башҡарылған

Башҡортостан Республикаһында “Экология” милли проектының “Урмандарҙы һаҡлау” федераль проекты уңышлы тормошҡа ашырыла. Урмандарҙы тергеҙеү эштәре буйынса ҙур саралар күрелә, тип хәбәр итә БР Урман хужалығы министрлығының матбуғат хеҙмәте.

– Республиканың урман хужалыҡтары питомниктарында 22 гектарҙан ашыу майҙанда орлоҡтар сәселде. Быйыл орлоҡтарҙың резерв фонды планға ярашлы 1,7 тоннаға күберәк әҙерләнде, был үткән йылдағыға ҡарағанда 200 килограмға күберәк, – ти БР Урман хужалығы министрлығының урманды ҡулланыу һәм воспроизводство, дәүләт урман реестрын алып барыу бүлеге етәксеһе Альберт Закиров.

Республика ағас ултыртыу буйынса Бөтә Рәсәй акцияларында ла ҡатнаша. Быйыл ул сентябрь-октябрь айҙарында үтәсәк.

Фото БР Урман хужалығы министрлығы сайтынан.

#национальныепроекты; #нацпроекты; #региональныепроекты;

#регпроекты; #нацпроектыБашкортостан; #ВладимирПутин