Бер тәүлектә - өс тәбиғәт янғыны!

Башҡортостан биләмәһендә тәүлек эсендә 25,4 гектар майҙанда өс тәбиғәт янғыны сыҡҡан: Йылайыр районы (6,1 гектар), Учалы районы (1,2 гектар) һәм Учалы районы (18,1 гектар).

Әлеге ваҡытта улар һүндерелгән, тип хәбәр ителә Башҡортостан Республикаһы буйынса Ғәҙәттән тыш хәлдәр министрлығының матбуғат хеҙмәте.

Быйыл республикала тәүге тәбиғәт янғыны беҙҙең Баймаҡта теркәлгәйне - 1, 5 нектар майҙан ут эсендә ҡалғайны.

Шулай итеп янғын хәүефе осоро башланғандан алып 27,4 гектар майҙанда дүрт тәбиғәт янғыны теркәлде.

6 майҙа Башҡортостан Республикаһы биләмәһендә өсөнсө, урыны менән дүртенсе класлы янғын хәүефе фаразлана.

30 апрелдән Башҡортостан биләмәһендә янғынға ҡаршы махсус режим индерелде. Ул 10 майға тиклем дауам итә.