Сыңғыҙҙар "ЙӘШЕЛ БАШҠОРТОСТАН" һәм "МУЛ ҺЫУЛЫ ҺАҠМАР" акцияларына әүҙем ҡушылды

Таулыҡай ауыл биләмәһенең һәм Сыңғыҙ ауылының ир-егеттәр ҡоро рәйесе Нияз Уразбаев ойоштороуында бөгөн Сыңғыҙ ауылы гөрләп тора: былтыр асылған аллеяға ағастар ултыртыла, парктың ҡоймалары буяла, башҡа төҙөкләндереү эштәре атҡарыла.Акцияла ауылдың ир-егеттәре, ҡатын-ҡыҙҙар, ауыл активы, мәктәп коллективы, мәҙәниәт хеҙмәткәрҙәре әүҙем ҡатнаша. Ситтә йәшәүселәр ҙә, ауыл халҡы ла аҡса йыйып, ҡойма өсөн буяҡтар һатып алған, эшҡыуар Булат Рәжәпов үҫентеләр менән ярҙам иткән.

Акция һәм өмә кискә тиклем дауам итәсәк. Бындай сара 2 майҙа тағы ла ойоштороласаҡ. Күмәкләгән - яу ҡайтарған, ти халыҡ мәҡәле. Афарин, сыңғыҙҙар!