Өмөтбайҙың мөғжизәле шишмәһе

"Өмөтбай ауылының "Әүлиә" тауының иң бейек түбәһендә бер ваҡытта ла ҡоромай торған күл бар. Уның итәгендә бик һирәк осрай торған ҡара ҡайындар үҫә. Ә мөғжизәнең мөғжизәһе шунда - бер нисә йылға бер тапҡыр "Аҡҡотоҡ" ҡоҙоғо ошондай һөт кеүек ап - аҡ һыуға тулыша. Уны тәмләр өсөн хатта йыраҡтарҙан да кешеләр килеп тула.

Быйыл Аҡҡотоҡ, өс йылдан һуң, тағы ла ап-аҡ һыуға тулышты. Бер нисә көндән һуң аҡ һыу тағы бер нисә йылға юҡҡа сығасаҡ", - тип беҙҙе яңылыҡтары менән таныштырҙы Өмөтбай ауылының "Әүлиә" ағинәйҙәр ойошмаһы етәксеһе Әнүзә Мәжитова.

Мөғжизәме? Мөғжизә. Ни өсөн шулай икәнлеген бер кем дә аңлата алмай. . .