Яҙғы һунар тыйыла

Һунар итергә яратыусыларға ла үҙҙәренең яратҡан шөғөлдәренән тыйылып торорға кәрәк буласаҡ. Ни өсөн тигәндә, Рәсәй Тәбиғәт ресурстары һәм экология министрлығы төбәктәргә һунарҙы бөтөнләйгә тыйырға тәҡдим иткән. Уға ярашлы, беҙҙең республикала быйыл ҡош, бүре һәм айыуҙы аулау тулыһынса тыйыла. Һунар миҙгеле апрель аҙағында башланырға тейеш ине.

Башҡортостан Тәбиғәттән файҙаланыу һәм экология министрлығынан аңлатыуҙарынса, ҡоштар коронавирусты таратмай. Һунарҙы сикләү изоляция тәртибенә бәйле ҡабул ителгән.