Тәбиғәт һәм кескәйҙәр

Баймаҡ ҡалаһының "Миләш" балалар баҡсаһының "Ҡарлуғас" төркөмөндә "Тағараҡ" акцияһы үтте. Тәүҙә балаларҙың атай-әсәйҙәре менән берлектә эшләп алып килгән тағараҡтарынан күргәҙмә ойошторолдо. Уларҙың ниндәйе генә юҡ ине! Шундай әүҙем ата-әсәләрҙең булыуы һөйөндөрә. Һуңынан "Иң матур тағараҡ"тар билдәләнде. Артабан иһә бергәләшеп бар тағараҡтарҙ урамға сығарып эленде. Хәҙер кескәйҙәр ҡышын ҡоштарҙың нисек туҡланыуын күҙәтеп барасаҡ. Шулай итеп балалар һәм тәбиғәт араһында бәләкәй генә тылсымлы күпер һалынды. Афарин "миләш"тәр!