Күл буйҙары таҙартылды

Оператив кәңәшмәлә Заһит Ғүмәров айырыуса әүҙем эшләгән район хакимиәте, үҙәк дауахана, психологтар, мәғариф бүлеге, “Ғаилә”, мәшғүллек, халыҡ ижады үҙәктәренә Рәхмәт хаттары тапшырҙы. Йәштәр лидеры киләсәктә бындай өмәләр даими алып барыласағын белдерҙе.

Тағы бер ҡыуаныслы күренеш – ул халыҡтың үҙ теләге менән (Илшат Мортазин тәҡдим итте) Граф күле буйҙарын таҙартыуы. Изге эшкә өлкәндәр ҙә, балалар ҙа дәррәү тотондо. Улар тиҙ арала күл буйын таҙартып, ҡыйҙы тоҡтарға тултырып ҡуйҙы. Илшат Мортазин әйтеүенсә, киләсәктә тирә-яҡты таҙартыу буйынса тағы ла ошондай саралар үткәреләсәк. “Беҙҙә һәр эшкә ҡушылырға әҙер, уңған халыҡ йәшәй. Иң мөһиме – ойошторорға ғына кәрәк”, – ти ул.