ҠАТЫН-ҠЫҘҘАР ТУРАҺЫНДА МӘҠӘЛДӘР

ҠАТЫН-ҠЫҘҘАР ТУРАҺЫНДА МӘҠӘЛДӘР

Ҡатын артынан мал килер, ҡыҙ артынан дан килер.

Ҡатын теләһә, — ишәктән ир яһар, теләһә — ирҙән ишәк яһар.

Ҡатын туғаны—түрҙән, ир туғаны—ишек төбөнән.

Ҡатынды йөҙөк ҡашы иткән дә, муса ташы иткән дә — ир.

Ҡатындың теле уҙһа — иренең ҡулы уҙа.

Ҡатынмын тигән ҡатында ат башындай алтын ятыр.

Ҡатынынан айырылғандың ҡанаты ҡайырылған.

Ҡатын уңғаны иргә яраған, ир уңғаны илгә яраған.

Ҡатын аҙһа — ир башына, түрә аҙһа — ил башына.

Ир таба, ҡатын тота.

Ире өмә әйткән, ҡатыны баланға киткән.

Ирһеҙ ҡатын — тотҡаһыҙ ишек

Ҡыҙ баланың бирнәһен етеһенән йыйһаң — етмәй торор, алтыһынан йыйһаң — артып ҡалыр..

Ҡыҙ йыйнаҡ булһа, егет тыйнаҡ була.

Ҡыҙ күңелендә — балалы бишек, ир күңелендә — эйәрле ат.

Ҡыҙ - ҡыйғыр тамаҡ,Ҡыҙ оҙатҡан яланғас ҡалыр, килен алған түренә урын һалыр.

Ҡыҙыңды үҙеңдән түбәнерәккә бир, киленде үҙеңдән юғарыраҡтан ал.

Ҡыҙыңа тиң кейәү килһә, ҡалым алма, тиген (бушлай) бир.

Ҡыҙ баланың абруйы — ҡыл өҫтөндә, ҡылдан төшһә — ил өҫтөндә.

Сығанаҡ: "Сәләм"

Фото асыҡ сығанаҡтан алынды: rCWLrI1P6YIiklRMCH1BHUM5H6QW1YN2Avnqz06RyvsRHfnQr3SUp56CMQJjm4404-YTy1Jv4DGm6sQT_EDldYt4