"Толпар"ҙа күнекмә

Баймаҡ ҡалаһының "Толпар" балалар баҡсаһында янғын хәүефһеҙлеге буйынса күнекмә үтте. Сигнал тауышы ишетеү менән уйнап йөрөгән балалар шунда уҡ теҙелеп, кейенеп, тәрбиәселәрҙең күрһәтмәләрен теүәл үтәп, тышҡа ашыҡты. Бының өсөн уларға 4, 5 минут талап ителде. Ярҙамға килеп еткән янғын һүндереүселәр музыка залында "сыҡҡан

утты" тиҙ арала һүндереүгә өлгәште. Үҙ эштәренең оҫталарына бының өсөн күп ваҡыт та талап ителмәне.

Янғын һүндереүселәр бәләкәстәргә хәүефһеҙлек дәрестәрен күрһәтеп, уларҙың баласағы именлектә үтеүен теләне.