Башҡорт ҡурайына һөйөү тәрбиәләп

Байыш ауылында сәнғәт мәктәбенең ҡурай класында уҡыған уҡыусылар араһында "Ҡурай" бәйгеһе үтте. Милли башҡорт музыка ҡоралында уйнарға уларҙы етәкселәре Айбулат Дәүләтшин өйрәткән.

Уҡыусыларҙың оҫталығын Ғата Сөләймәнов исемендәге сәнғәт мәктәбе уҡытыусылары һәм Башҡортостандың атҡаҙанған мәҙәниәт хеҙмәткәре Ташбулат Мостафа улы Дәүләтшин.

баһаланы.

Йәш ҡурайсылар конкурсҡа бик тә ихлас әҙерләнгән. Уларҙың һәр береһе ҡурайҙа бер нисә көй уйнап ишеттерҙе. Егеттәр менән бер рәттән ҡыҙҙар ҙа ҡурайҙары менән сәхнәгә күтәрелде. Конкурста ҡатнашыусыларҙың барыһы ла яҡшы сығыш яһап һөйөндөрҙө. Тап уларҙың йөҙөндә башҡорт ҡурайының киләсәге сағылыш таба ла инде. Ҡурайсылар бәйгеһе күңел күтәренкелеге, дәрт-дарман өҫтәне. Афарин, байыштар!