Урал ауылында яңы күпер!

Бөгөн Баймаҡ районының иң алыҫ ауылдарының береһе – Урал ауылы халҡы оло шатлыҡ кисерә. Бында капиталь ремонттан һуң ауылға ингән юлда күпер асылды. Йыл һайын тиерлек яҙғы һыу ташҡан ваҡытта ауыл халҡы күперһеҙ ҡала торғайны. Был проблемалар хәл ителде. Күпер төҙөүселәрҙең тырышлығы һәм ауыл халҡы ярҙамында барлыҡҡа килде.

Быйыл шулай уҡ Темәс ауылындағы Һаҡмар һәм Шырҙы йылғалары аша күперҙәр ремонтланды, Йомаш һәм Сәйғәфәр ауылдарында ла күперҙәр тергеҙелә. Киләһе йылда ла ошо тәңгәлдә эштәр алып барыласаҡ.