Икенсе Этҡолда клуб төҙөкләндерелә

Икенсе Этҡол ауылы клубында бөгөн капиталь ремонт эштәре бара, тип хәбәр итә Баймаҡ район хакимиәте башлығы Фәнис Әминев үҙенең социаль селтәрҙәге сәхифәһендә. Клуб 1988 йылда төҙөлгән һәм уға күптән яңыртыу талап ителгән. Ремонт эштәре «Мәҙәниәт» милли проекты сиктәрендә бүленгән аҡсаға башҡарыла. Унда тышҡы һәм эске инженер системалары төҙөү буйынса эштәр башланған. Капиталь ремонтты июль айында тамамлау планлаштырыла. Яңыртылған мәҙәниәт йорто ауылды артабан да үҫтереүгә һәм ауыл халҡына хеҙмәт итер, тип ышанабыҙ, тип белдерә район башлығы.