Күршеләрҙә лә бер мәктәп төҙөлә

Хәйбулла районы үҙәгендә 550 урынлыҡ мәктәп төҙөләсәк. Уны 2021 йылдың 31 авгусында сафҡа индереү күҙаллана. Мәктәптең бер яҡ мөйөшөндә 140 урынлы интернат та буласаҡ. Ошо хаҡта дәүләт закупкалары рәсми сайтында хәбәр ителә.

Әлеге көндә муниципаль район хакимиәте капиталь төҙөлөшкә подрядчиктар эҙләү буйынса электрон аукцион иғлан иткән.

Бында шулай уҡ ике автобус өсөн йылы гараж, кер йыуыу бүлмәһе буласаҡ. Инженер һәм һыу менән тәьмин итеү селтәрҙәре һалынасаҡ,

эргә-тирәһе төҙөкләндереләсәк.