Эшләткән күнекмәһе кәйефтәрен күтәрҙе

Бөгөн халыҡ ижады үҙәгендә үткән "Һаулыҡ марафоны" сиктәрендә иң яҡшы тренерҙарҙың береһе булған Винер Васил улы Нәбиев күнекмә эшләтте. Ул эшләп күрһәткән күнекмәләр еңел дә, шул уҡ ваҡыт та ҡыҙыҡлы ла булды. Медицина хеҙмәткәрҙәре лә, марафонға килгән кешеләр ҙә рәхәтләнеп эшләп ҡаранылар. 

Әйткәндәй, Винер Васил улы 2022 йылда "Ауыл тренеры" сертификатын алып һөйөндө.

Винер Баймаҡҡа ла тап шул йылды әйләнеп ҡайта. 4-се лицейҙа көрәш буйынса секция асылғас, ул оҙаҡ уйлап тормай. Район хакимиәтенән алған саҡырыуҙы шатланып ҡабул итә. "Мин был сертификатты торлаҡ һатып алыу өсөн ҡуллындым. Радий Фәрит улына рәхмәтем сикһеҙ", -- тине ул.