Әйҙә, йөҙөргә!

Башҡортостанда ҡышҡы йөҙөүҙе үҙ итеүселәрҙе Бөйөк Ватан һуғышында Еңеүҙең 78 йыллығына һәм республиканың ҡышҡы йөҙөү ветерандарына арналған марафонға саҡыралар. Илһөйәрлек акцияһы 18-19 мартта Өфөнөң Иван Яҡутов исемендәге паркында ойошторола.

Сара программаһында хәрби-патриотик клубтың сығышы, команда менән йөҙөү, ҡайнар аш һәм мунса ҡаралған.

«Аҡ һыуһарҙар» сынығыу һәм ҡышҡы йөҙөү клубынан хәбәр итеүҙәренсә, ҡатнашыусыларҙы иҫтәлекле бүләктәр көтә.