Үәт, исмаһам, ярышҡанда ла була!

Башҡортостан Башлығы Радий Хәбиров Рәсәй Федерацияһының йыйылма командалары составында олимпия, паралимпия, сурдлимпия уйындары еңеүселәренә, призерҙарына, шулай уҡ уларҙың тренерҙарына Башҡортостан Республикаһының дәүләт спорт стипендияларын булдырыу тураһында указға ҡул ҡуйған.

Чемпиондарға — 30 мең, икенсе урын өсөн — 25 мең, өсөнсө урын өсөн 20 мең һум күләмендә стипендиялар тәғәйенләнә. Тренерҙарға — тәрбиәләнеүселәренең стипендия күләменән 50%.

«Бөйөк спортсыларыбыҙға рәхмәт, был уларға, ғөмүмән, спортты үҫтереү өсөн һәйбәт ярҙам», — тип билдәләне Радий Хәбиров хөкүмәттең оператив кәңәшмәһендә.