Баймаҡта боҙ аренаһы төҙөләсәк

Башҡортостан Республикаһы Башлығы Радий Хәбиров Баймаҡтағы бер эш сәфәрендә ҡалала боҙ аренаһы төҙөү тураһындағы тәҡдимде яҡлап сыҡҡайны. Был беҙҙә хоккей, фигуралы шыуыу, шорт-трек кеүек спорт төрҙәрен үҫтерергә мөмкинлек бирәсәк. Ошо көндәрҙә яңы объекттың подрядсыһы ойошмаһы билдәләнде. Әйтергә кәрәк, унда өс төҙөлөш компанияһы ҡатнашыуға теләк белдергән. Ләкин Өфө ҡалаһының "СБС-Строй" компанияһына ышаныс күрһәтелде. Боҙ аренаһы 2024 йылдың июнь айында файҙаланыуға тапшырылырға тейеш. Уның өсөн республика бюджетынан 329,6 млн һум бүленә. Боҙ аренаһы 3,6 мең кв.м. тәшкил итәсәк.