Баймаҡ самбистары еңеү яуланы

Кисә Ырымбур өлкәһенең Медногорск ҡалаһында самбо буйынса турнир уҙҙы. Унда Баймаҡ намыҫын яҡлап, беҙҙең спортсылар ҙа ҡатнашты һәм яҡшы һөҙөмтә күрһәтте. Билалдан Әлиә Йәнгилдина менән Наҙгөл Ғайсина - икенсе, Темәстән Диана Ишбирҙина өсөнсө урындарҙы алды. Ә егеттәр араһынан Темәстән Хәсән Юлдашев үҙ ауырлыҡ категорияһында өсөнсө урынға сыҡты. Йәш спортсыларыбыҙҙы ҡотлайбыҙ һәм тағы ла ҙурыраҡ еңеүҙәр теләйбеҙ.