Көрәшселәр майҙанға сығасаҡ

2022 йылдың 9-11 октябрендә Өфөләге Р.А. Баталова исемендәге спорт әҙерлеге үҙәгендә Башҡортостан Республикаһы көнөнә арналған көрәш буйынса асыҡ республика турниры уҙа. Турнир сиктәрендә Үзбәкстан Республикаһы һәм Башҡортостан Республикаһы йыйылма командаларының иптәштәрсә осрашыуын үткәреү ҡаралған.

Иптәштәрсә осрашыу уҙғарыу тураһында ҡарар Башҡортостан Республикаһының Спорт министрлығы менән Үзбәкстан Республикаһының Һырдаръя өлкәһе Хакимиәте араһында 2022 йылдың 9 сентябрендә физик культура һәм спорт өлкәһендә хеҙмәттәшлек тураһында меморандумға ҡул ҡуйыу арҡылы хәл ителде.

«Башҡортостан Республикаһы Үзбәкстан Республикаһы менән яйға һалынған дуҫтарса мөнәсәбәттәрҙе юғары баһалай. Милли спорт төрҙәрен үҫтереү мәсьәләләрен ошолай бергә башҡарыу үҙе үк ҙур әһәмиәткә эйә», - тип билдәләне Башҡортостан Республикаһының спорт министры Руслан Хәбибов.

Турнир «Стенаға стена» системаһы буйынса илдәрҙәге һәм донъялағы халыҡтарҙың дуҫлығын нығытыу маҡсатында Бөтә Рәсәй билбау көрәше федерацияһының ғәмәлдәге ҡағиҙәләренә ярашлы уҙғарыла.

Еңеүселәрҙе бүләкләү тантанаһы 2022 йылдың 10 октябрендә Р.А. Баталова исемендәге спорт әҙерлеге үҙәгендә була (Халыҡтар дуҫлығы проспекты, 47). Сарала Башҡортостан Республикаһы Башлығы Радий Хәбировтың, Кустанай өлкәһе хакимиәт башлығы урынбаҫары Гөломжон Муродхужаевтың, Башҡортостандың спорт министры Руслан Хәбибовтың, Халыҡ-ара билбау көрәше федерацияһы вице-президенты Равшан Дастировтың, Азия аҡбоглидж конфедерацияһы президенты Мөминхуджа Моратовтың һәм башҡа абруйлы ҡунаҡтарҙың ҡатнашыуы көтөлә.

Хәтерегеҙгә төшөрәбеҙ, 2022 йылғы билбау көрәше буйынса донъя чемпионаты Үзбәкстан Республикаһының Кустанай ҡалаһында уҙҙы. Дөйөм команда иҫәбендә Рәсәй йыйылмаһы 1 урын алды. Башҡортостан спортсылары, 5 алтын һәм 2 бронза миҙал яулап, милли йыйылма команданың ҡаҙаныштарына тос өлөш индерҙе.

Сығанаҡ: https://sport.bashkortostan.ru/presscenter/news/487451/