Баймаҡ самбистары еңеү яулай

Әбйәлил районының Асҡар ауылында самбо ярышы уҙҙы. Унда республиканың төрлө төбәктәренән 10 команда ҡатнашты. Баймаҡтан тренер М.Юлдашевтың тәрбиәләнеүселәре яҡшы һөҙөмтә күрһәтте. Үҙ кәүҙә ауырлыҡтарында Аслан Йәнтүрин, Сөләймән Баймөхәмәтов – беренсе, Айназ Минһажев, Хәсән Юлдашев, Лиана Ишбирҙина – икенсе, Ғайсар Ҡунаҡбаев, Мәликә Йәнтүрина өсөнсө урындарҙы яуланы. Баймаҡ командаһын ҙур еңеүҙәре менән ҡотлайбыҙ!