Баймаҡ ағинәйҙәре – “Алтын тирмә”лә

Уҙған аҙнала Баймаҡ “Ағинәйҙәр” ойошмаһы вәкилдәре Башҡортостан юлдаш телеканалының “Алтын тирмә” тапшырыуына барып ҡайтты. Район “Ағинәйҙәр” ойошмаһы рәйесе Гүзәл Монасипова, Таңһылыу Вәлиева (Байым), Көнһылыу Сөләймәнова (Икенсе Этҡол), Таңсулпан Мәтиновалар (Әхмәр) Белорет ағинәйҙәре менән осрашты.

Уйын араһында ағинәйҙәр милли йолаларҙы тергеҙеү, һаҡлау һәм үҫтереү буйынса фекерҙәре менән уртаҡлашты.

Ағинәйҙәр Өфөгә барып ҡайтыу өсөн ярҙам күрһәткән район хакимиәтенә, район ветерандар Советы рәйесе Көнһылыу Әҙеһәмоваға, биләмә-ара китапхана директоры Зилә Мортазинаға, водитель Иҙел Йәноҙаҡовҡа рәхмәттәрен белдерә.

Лилиә ТАКАЕВА.