Быймаларҙа хоккей

Гөрләп - шаулап Иҫке Сибайҙа тағы бер хоккей байрамы үтеп китте . 21 февраль көнө , инде йолаға әйләнгән " быймаларҙағы хоккей" турниры үтте . Ватанды һаҡлаусылар көнөнә бағышланған күсмә кубок өсөн был юлы өс команда алышты .
Ленин һәм Гагарин урамдарының ир - егеттәре " Камчатка" командаһын төҙөгәндәр . Команда капитаны - Рафиков Сәлих . " Спецназ " командаһы ағалы - ҡустылы Иҙрисовтарҙан һәм уларҙың кейәүҙәренән йыйылған . Капитан - Иҙрисов Илдус . Совет һәм Ҡарағайлы урамдары " Ҡарағайлы" исеме аҫтында сығыш яһанылар . Һәр команда 10 - 12 кешенән торһа , көйәрмәндәрҙең һаны күп тапҡырға күберәк булды . Көсөргәнешле алыштарҙан һуң урындар түбәндәгесә бүленде .
3 - сө урында " Камчатка".
2 - се урында " Спецназ".
Күсмә кубок быйыл " Ҡарағайлыларҙа".
Иң яҡшы уйынсы исеменә Хөсәйенев Айгиз " Камчатка" , Шарипов Салауат " Спецназ" һәм Байзигитов Мөнир " Ҡарағайлы" лайыҡ булдылар . Иң шәп ҡапҡасы - Сибаев Әхмәт . Ярыштың баш судьяһы - Саптаров Айҙар .
Афарин , егеттәр ! Байрам менән !

Сибай Утарбаев, Сибай ауыл биләмәһе башлығы.