Быйма кейеп сыҡтыҡ боҙға

#Хоккейновогодниеканикулы

#СтарыйСибай

Быймала хоккей уйнау ысынлап та Иҫке Сибай ауылында бик матур йолаға әйләнде. Кисә генә һатын-ҡыҙҙар командалары көс һынашһа, бөгөн 4 ғинуар көнө ир-егеттәр командалары бик шәп уйын күрһәтте. Хоккей майҙансығында бөтәһе 4 команда ҡатнашты: Совет урамы йыйылма командаһы, Мәктәп ир-егеттәр командаһы, Спецназ (туғандар йыйылма командаһы), Атайсал командалары. Әйтергә кәрәк, егеттәрҙең уйыны көсөргәнешле, бик шәп тиҙлектә, мауыҡтырғыс һәм ҡыҙыҡлы килеп сыҡты. Шулай итеп уйындың һөҙөмтәләре:

беренсе урын - Атайсал командаһы,

икенсе урын - Спецназ командаһы,

өсөнсө урын - Мәктәп командаһы,

дүртенсе урынды - Совет урамы командаһы бүлеште.

Иң аҙаҡтан тантаналы рәүештә маҡтау грамоталары һәм миҙалдар тапшырылды.

Шулай уҡ иң яҡшы һөжүмсе һәм иң яҡшы һаҡсы ла билдәләнеп үтелде. Бөтә ҡатнашҡан командаларга, судьяларга, ойоштороусыларға, көйәрмәндәргә ҙур рәхмәт! Афарин егеттәр!!! Киләсәктә лә шулай әүҙем, дартле, сәләмәт тормош яклы булып ҡалыуығыҙҙы теләйбеҙ!

Рәзилә Ибраһимова.