Ҡатын-ҡыҙҙар боҙға сыҡты

#Семейныеканикулы#

#Зимниеканикулы2021#

Гүзәл зат вәкилдәре лә хоккей уйнай. Тик быйма кейеп. Иҫке Сибай ауылында быйма кейеп хоккей уйнау бик матур йолаға әйләнде. 3 ғинуар көнө үткән уйын командаларҙың яҡшы әҙерлеге һәм көйәрмәндәрҙең күплеге менән айырылып торҙо. Бөтәһе 3 команда ҡатнашты: Мандаринкалар (мәктәп), Сулпылар (балалар баҡсаһы) һәм Спецназ (туғандар араһында йыйылма команда). Һәр уйын ҡыҙыу, көсөргәнешле барҙы. Көйәрмәндәрҙең әүҙем булыуы уйынсыларға дәрт -дарман өҫтәне. Уйындың судьялары – Ваһапов И.Б., Шәрипов Р.А. булдылар.

Ниһайәт, тулҡынландырғыс мәл етте. Спецназ командаһы -1 урын, Мандаринкалар һәм Сулпылар командалары – 2 урынды бүлештеләр. Һәр команданан иң яҡшы һөжүмселәр һәм иң яҡшы һаҡсылар билдәләп кителде. Уйынсыларыбыҙға, көйәрмәндәргә Яңы йылда ныҡлы һаулыҡ, ғаилә бәхете, донъялар именлеге теләйбеҙ.

Юлиә Вагапова.