Еңеү - баймаҡтарҙа!

Баймаҡтар еңеү яуланы!

Кисә, 19 декабрҙә, Хәйбулла районы үҙәге Аҡьярҙа хоккей буйынса турнир уҙҙы. Унда Урал аръяғы райондарынан командалар көс һынашты. Баймаҡ намыҫын Баймаҡ ҡалаһы һәм Түбә ауылының хоккеистары яҡланы.

Уйын бик тә көсөргәнешле барҙы. Бөтә командалар ҙа район кубогы өсөн бар тырышлығын һалды. Һөҙөмтәлә баймаҡтар еңеү яуланы. Кубок – баймаҡтарҙа!

Ҙур еңеү менән Баймаҡ хоккей командаһын ҡотлайбыҙ!

Мәғлүм булыуынса, һуңғы йылдарҙа беҙҙең районда хоккей киң үҫеш ала. Ауылдарҙа бер нисә команда барлыҡҡа килде. Уларҙың барыһы ла матур уйын күрһәтә. Тимәк, был спорт төрө уйындары менән беҙҙе тағы ла һөйөндөрәсәк әле.