Уҡ атып ярыштыҡ беҙ!

Түбәнге Иҙрис ауылында уҡ атыу буйынса үҙенсәлекле турнир үтте. Был ярыш һыбай атыуҙы популярлаштырыу өсөн ҙур өлөш индерҙе, тип әйтһәм бер ҙә яңылышмаҫмын, моғайын. Һыбай уҡ атыусыларҙың һаны 18-гә етте. Был рекорд! Быға тиклем улай булғаны юҡ ине, ти тәжрибәле уҡсылар. Мин үҙемде лә һыбай атыуҙа көсөмдө самалап ҡараным. Һөҙөмтәлә 7-се урынға лайыҡ булдым. Ә ике алыш (йәйәү+һыбай) буйынса 5-се урынды алдым. Шулай уҡ әсәйем дә республика кимәлендә үткән ярышта ҡатнашып тәжрибә алып ҡайтты.
Ошо ярышты ойоштороусы Түбәнге Иҙристәргә ҙур рәхмәтебеҙҙе белдерәбеҙ.