Рөстәм Нәбиевты Гиннес рекордтар китабына индерәләр

Ҡулы менән Эльбрус түбәһенә менгән яҡташыбыҙ, билдәле блогер Рөстәм Нәбиевтың батырлығы тураһында яҙып киткәйнек инде. Ул ҡулдары менән Эльбрус тауының иң бейек түбәһенә менеп етеп, ғорур тауҙы үҙенә бойһондорҙо. Әле бөгөн Рөстәм Нәбиевты Рәсәйҙең Гиннес рекордтар китабына индерәсәктәре хаҡында билдәле булды. Ул был хаҡта үҙенең инстаграмдағы сәхифәһендә яҙған.

— Бөгөн миңә китаптың вәкиле шылтыратты. Был бик шәп ! Ныҡ шатмын. Миңә ҡулым менән "А" пунктынан "Б" пунктына тиклем күтәрелеүемде раҫлаған видеоматериал ғына ебәрергә кәрәк. Беҙ, әлбиттә, ебәрербеҙ, - тип яҙған Рөстәм.

Рөстәм, афарин! Һеҙҙең менән ғорурланабыҙ!

Сығанаҡ: instagram.com/rustam_nabiev92