Футбол да беҙ уйнаныҡ

Физкультурниктар көнө уңайы менән ҡалала футбол ярышы ла уҙҙы. Бик көсөргәнешле барған уйында бары тик көслөләр һәм етеҙҙәр генә бер команда булып туплана алды.

Мәрәйҙәр һаны буйынса “Торпедо” – беренсе, “Аҡбуҙат” – икенсе, “Футбол уйнарға” командалары өсөнсө урындарҙы яуланы.

“Иң яҡшы ҡапҡасы” номинацияһында Илмир Низамов еңеүсе булып танылды. “Иң яҡшы һаҡсы” номинацияһына Ильяс Альбеков лайыҡ булды. “Иң яҡшы һөжүмсе” номинацияһында Айнур Сәлимйәнов билдәләнде.

Әйткәндәй, баймаҡтар футбол ярата. Сираттағы уйын уны тағы ла бер тапҡыр иҫбатланы.