Иң яҡшы шахматсы ғаиләләр билдәләнде

Районыбыҙҙа бер нисә быуын шашкасы һәм шахматсы тәрбиәләгән Зөлфәр Зөбәйеров Халыҡ-ара ғаилә көнөнә ҡарата ғаиләләр араһында шахмат буйынса онлайн-турнир уҙғарҙы. Унда 32 кеше ҡатнашты. "Бер туғандар" номинацияһында Искәндәр һәм Денислам Фәизовтар иң күп мәрәй йыйып, еңеү яуларға өлгәште. Икенсе урынды Руслан и Ринат Маркеловтар алды.

Өсөнсө урынға иһә ағалы-ҡустылы Рәмзил менән Рәил Хәсәновтар сыҡты.

"Атай һәм ул" номинацияһында Илгиз һәм Абдул-Азиз Зөбәйеровтар иң яҡшы һөҙөмтә күрһәтте. "Әсә һәм ул" номинацияһында Гөлшат менән Вилдан Ғайсиндар билдәләнде. Эльвина и Юлиә Килмөхәмәтовтар - "Бер туған апай һәм һеңле", Хәйризаман Үтәев үҙенең ейәне Арслан менән "Ҡартатай һәм ейән" номинацияһында билдәләнделәр.