Мәктәптә стоматология кабинеты асылды

«Ҡанатлан» мәғариф проекты ғәмәлдә. Баймаҡта Социаль-мәғариф проектының бер йүнәлеше – «Сәләмәт йылмайыу» модуле файҙаланыуға тапшырылды. Баймаҡ ҡалаһының 4-се лицейында стоматология кабинеты асылды. Ул барлыҡ кәрәк-яраҡтар менән дә йыһазландырылған. Ә иң мөһиме - улар заман талаптарына яуап бирә. Консультацияны лицей уҡыусылары ғына түгел, ә райондың һәм ҡаланың башҡа мәктәп уҡыусылары ла ала аласаҡ. Был кабинетта профилактик саралар, теште дауалау мөмкинлеге лә буласаҡ.

Әйтергә кәрәк, стоматология кабинеты мәктәптәр өсөн бик тә кәрәкле ине. Ул уҡыусыларҙың һаулығын һағында хеҙмәт итәсәк.