Эстафета яраттарға килеп етте!

Йылым ауылынан старт алған скандинав атлау буйынса эстафета дауам итә. Ишбирҙе, Юлыҡ ауылдары аша үтеп, 14 ғинуарҙа ул йомаштарға килеп еткәйне. Бөгөн иһә көндөң әсе елле булыуына ҡарамаҫтан, Йомаш ауылы скандинавсылары эстафетаны яраттарға тапшырып ҡайтты. "Скандинав атлаусылар йылдан-йыл арта бара. Был шөғөл һәр кемебеҙгә дәрт-көс өҫтәй. Сәләмәт тормошто пропагандалаған, айыҡ ауыл, айыҡ тормош алып барыуға өндәүсе сара ул," - ти улар.

Ярат ауылы биләмәһе эстафетаны ошо көндәрҙә Беренсе Этҡолға тапшырасаҡ.