Майҙанда - ҡатын-ҡыҙҙар!

Һуңғы көндәрҙә Баймаҡ ҡалаһында һәм һәр бер ауылда бик күп спорт уйындары үтә. Асыҡ һауала ғына түгел, спорт залдарында, "Баһадир"

физкультура-һауыҡтырыу комплексында, йөҙөү бассейнында ла бик күп ярыштар ойошторола. Бөгөн иһә ҡатын-ҡыҙҙар араһында волейбол ярыштары старт алды. Был спорт төрө беҙҙә ҙур үҫеш алғанын иҫәпкә алғанда, унда ҡатнашырға теләк белдергән командаларҙың бик күп булыуына аптырарға ла кәрәкмәй. Тимәк уйын бик көсөргәнешле буласаҡ. Кемдәр еңеү яулар? Райондың иң көслө командаһы, тип кемдәрҙе атарбыҙ? Әлеге минуттарҙа уйын ҡыҙыу төҫ алды.