Хоккей уйнарға килегеҙ!

Иҫке Сибай хоккей уйыны йылдам үҫеш ала. Йәше лә, ҡарты ла, тигәндәй, был спорт төрө менән күптәр яратып шөғөлләнә. Ауыл халҡының үҙ көсө менән төҙөп алған хоккей коробкаһының буш торғаны юҡ. Яңы йылды ла улар ошо спорт төрө менән башлап ебәрҙе. 3-4 ғинуарҙа ауылда хоккей буйынса турнир үтте. Ике көн буйы барған ярыш бик көсөргәнешле булды. Унда ололар һәм йәштәр командалары көс һынашты. Ярыш барышын ҡарарға бар ауыл халҡы, хатта ситтән ҡунаҡтар ҙа килде. Киләһе уйын 6 ғинуарҙа буласаҡ. Сәләмәт тормошто үҙ иткән, спортты яратҡан һәр кем унда ҡатнаша ала.