Ишбирҙеләр сәләмәт тормош яҡлы!

Яңы йыл каникулдары Ишбирҙе ауылы өсөн дә күңелле сара менән башланып китте. Бөгөн урындағы мәктәптә "Күңелле старттар" спорт байрамы уҙҙы. Ишбирҙе, Йылым һәм Бөрйәнйылға ауылдарынан командалар көс һынашты. Уйын бик сәмле барҙы. Һөҙөмтәлә Йылым командаһы иң көслөһө тип табылды һәм улар беренселекте алды. Бөрйәнйылғалар икенсе урынды яуланы. Ишбирҙе ауылы командалары иһә өсөнсө урындарҙы бүлеште. Урындар баһалама ағзалары өсөн генә мөһим булғандыр, моғайын. Сөнки был тарафта ысынында ла сәләмәт тормош алып барыуға, төрлө спорт саралары уҙғарыуға ҙур иғтибар бирелә һәм улар бик йыш уҙа. Ярыштарҙың барыһында ла халыҡ ҙур теләк менән ҡатнаша.