Күңелле ял итәбеҙ!

Байым ауылында Яңы йыл байрамына арналған, ғаиләләр араһында волейбол ярышы үтте. Унда 6 команда ҡатнашты. Ҡәйепҡоловтар, Байтуриндар, Абдуллиндар, Халитовтар, Ғәлиндар, Вәлитовтар ғаиләләре үҙ-ара бик көсөргәнешле һәм сәмле ярыш алып барҙы. Һөҙөмтәлә Вәлитовтар командаһы еңеү яуларға өлгәште. Ҡәйепҡоловтар -икенсе, Хәлитовтар өсөнсө урындарҙы алды. Бөтә командалар ҙа татлы бүләктәр алып һөйөндө. Ярыш үҙ маҡсатына иреште - ауылда сәләмәт тормош алып барған ғаиләләрҙең күплеген тағы бер тапҡыр раҫланы. Афарин, байымдар!