Баймаҡ дауаханаһында алдынғы медицина белгестәре

Баймаҡ үҙәк район дауаханаһына алдынғы медицина белгестәре килде. Улар хирургия бүлеген ҡараны. Белгестәр араһында күренекле хирург, профессор һәм медицина фәндәре докторы Вил Тимербулатов, Рәсәй техник фәндәр академияһы академигы, профессор һәм медицина фәндәре докторы, Башҡорт дәүләт медицина университетының балалар хирургияһы, ортопедия һәм анестезиология кафедраһы мөдире Айытбай Ғүмәров бар ине.

Үҙәк район дауаханаһы коллегалары менән бергә улар реанимация һәм операция бүлектәрен ҡараны, пациенттарға айырым иғтибар бирҙе. Айытбай Әхмәт улы бер нисә йәш пациентты ҡараны, дауалау һәм ҡарау буйынса мөһим кәңәштәр бирҙе. Вил Мамил улы өлкән пациенттарҙы ҡараны, эксперт фекере менән уртаҡлашты һәм консультация ярҙамы күрһәтте.

“Беҙ Вил Мамил улы Һәм Айытбай Әхмәт улына уларҙың ваҡыты, баһалап бөткөһөҙ өлөшө һәм ярҙамы өсөн ихлас рәхмәтлебеҙ. Уларҙың беҙҙең дауаханаға килеүе Баймаҡ үҙәк дауаханаһы коллективы өсөн ныҡлы ярҙам булды”, - тине Баймаҡ табиптары.