1 ғинуарҙан республикала йән башына йәшәү минимумы — 13 753 һум

Башҡортостанда 2024 йылға йәшәү минимумы раҫланды, тип хәбәр итә республика Хеҙмәт һәм халыҡты социаль яҡлау министрлығының телеграм-каналы.

Хөкүмәт ҡарарына ярашлы, киләһе йылдың 1 ғинуарынан төбәктә йән башына йәшәү минимумы 13 753 һум була. Эшкә һәләтле халыҡ өсөн — 14 991 һум; пенсионерҙарға — 12 530 һум, балаларға — 13 340 һум.

«Йәшәү минимумы дәүмәле ғаиләнең мохтажлығын баһалағанда файҙаланыла, — тип белдерҙеләр Башҡортостандың Хеҙмәт министрлығында. — Мохтаж булған балалы ғаиләләр өсөн түләүҙәр һәм пособиелар күләме лә ошо дәүмәлгә бәйле».

Сығанаҡ: https://www.bashinform.ru/news/economy/2023-12-25/s-1-yanvarya-prozhitochnyy-minimum-na-dushu-naseleniya-v-bashkirii-sostavit-13753-rublya-3580523