Өс йәшкә тиклем бала ҡарау буйынса ялдан ваҡытынан алда эшкә сығырға мөмкинме?

Эйе, бының өсөн эш биреүсегә ғариза яҙырға кәрәк.

Тағы нимә белергә кәрәк:

 Тулы булмаған эш көнөнә сығырға мөмкин. Эш көнө дауамлылығының сабыйҙы тәрбиәләргә мөмкинлек биреүе шарт. Баланы йәш ярымға тиклем тәрбиәләгән ата-әсәләр йәки опекундар ай һайын пособие ала. Шулай булыуға ҡарамаҫтан, улар тулы булмаған көнгә эшкә сыға ала. Бындай осраҡта, баланы ысынында кем ҡарай, пособие шул кешегә түләнә.

 3 йәшкә тиклемге баланы ҡарау буйынса ял осоронда эшләү өсөн етәкселек менән алдан уҡ смена оҙайлығы һәм эш көндәре һаны тураһында һөйләшеп килешергә кәрәк.

 Йәш әсәләр командировкаларҙан, өҫтәлмә һәм төнгө эштәрҙән, шулай уҡ ял һәм байрам көндәрендә эшләүҙән баш тарта ала.

4️⃣ Бала ҡарау буйынса ялды эшкә сығыу өсөн туҡтатырға, ә һуңынан йәнә рәсмиләштерергә мөмкин.

5️⃣ Бала ҡарау буйынса ял ваҡытында ата-әсәнең эш урыны һаҡлана.

6️⃣ Хеҙмәт хоҡуҡтарығыҙ боҙолһа, Онлайнинспекция.рф порталында «Проблема хаҡында хәбәр итергә» сервисы аша мөрәжәғәт итегеҙ