8 июнь – социаль хеҙмәткәр көнө

Ләйсән Заһир ҡыҙы Ишназарова социаль өлкәлә 2008 йылдан эшләй.

Шуға күрә ул өлкәндәрҙең, физик мөмкинлеге сикләнгәндәрҙең, күп балалы ғаиләләрҙең проблемалары менән яҡындан таныш.

Хәҙерге ваҡытта Ләйсән Заһир ҡыҙы “Ғаилә” үҙәгендә эшләй. Ауыр хәлгә ҡалған, мохтаж һ.б. ҡыйынлыҡтар кисергән кешеләргә бар тырышлығын һалып ярҙам итергә ынтыла. Хеҙмәтен яратып башҡарған белгес үткән йылғы эш һөҙөмтәләре буйынса “Һөнәре буйынса иң яҡшыһы” тип танылды.

Ләйсән Заһир ҡыҙы тормош иптәше Әхәт Юлай улы менән өс ул тәрбиәләп үҫтерә. Уңған әсә һәм һөнәренең оҫтаһына киләсәктә лә ҙур уңыштар теләйбеҙ.