50 йәшлек һәм унан өлкән граждандар яңы һөнәр үҙләштерә аласаҡ

Башҡортостан Хеҙмәт министрлығынан хәбәр итеүҙәренсә, урындарҙа Халыҡ мәшғүллеге үҙәктәре 50 йәшлек һәм унан өлкән граждандарҙы ҡайтанан һөнәри уҡытыуға субсидиялар алыу өсөн предприятиеларҙан һәм ойошмаларҙан ғаризалар ҡабул итә башланы.

Субсидия Рәсәй президенты Владимир Путиндың ҡушыуы буйынса әҙерләнгән «Демография» милли проекты сиктәрендә тапшырыла.

Был ярҙамға дәүләт (муниципаль) учреждениеларҙан тыш, шәхси эшҡыуарҙар һәм юридик берәмектәр ҙә иҫәп тота ала.

Был хаҡтағы тулыраҡ мәғлүмәтте республика Хеҙмәт министрлығы сайтында алырға мөмкин.