Баймаҡтарҙың бәхетлеләр утрауында

Баймаҡтың бәхетле ҡатын-ҡыҙҙары өсөн байрам сараһы дауам итә. Әле сараның иң матур, иң сағыу өлөшө бара. Ҡаланың 2-се мәктәбе уҡыусылары үҙ ҡулдары менән теккән зауыҡлы күлдәктәренән дефиле тәҡдим итә.

Ошо минуттарҙа беҙгә мәртәбәле

ҡунаҡтар ҙа килеп етте. Уларҙы район хакимиәте башлығы Фәнис Әминев оҙатып йөрөй. Ҡунаҡтар бай күргәҙмә менән таныша. Баймаҡтар Мостай Кәримдең ҡыҙы Әлфиә Мостай ҡыҙы менән осрашыуға әҙерләнә. Зал тулы халыҡ. Уларҙың барыһын да бөгөн "Бәхетле ҡатын-ҡыҙҙар" утрауы берләштерә.